ஜனாதிபதி கோட்டாபாய ராயபக்சாவிற்கும் தமிழ்த் தேசியக் கூட்டமைப்பினருக்குமான இன்றைய சந்திப்பு இறுதி நேரத்தில் இரத்துச் செய்யப்பட்டுள்ளது.
இன்று மாலை 3.30ற்கு இடம்பெறவிருந்த சந்திப்புத் தொடர்பில் கூட்டமைப்பினர் இன்று கலந்துகொளவது தொடர்பான நெருக்கடி தொடர்பில் சுட்டிக்காட்டப்பட்டது.
எனினும் இந்த சந்திப்பில் கலந்து கொள்ளப் போவதில்லை என்று தமிழ் ஈழ விடுதலை இயக்கம் (ரெலோ) அறிவித்திருந்தது.
பேச்சு வார்த்தையில் கலந்து கொள்வதெனில் தமிழ் மக்கள் எதிர்நோக்கும் சில பிரச்சனைகளிற்கு தீர்வை அறிவித்து பேச்சுக்குரிய சூழலை உருவாக்க வேண்டும் என்று பரிந்துரைத்திருந்தது.
இந்நிலையில் இன்று சந்திப்பு ஒத்திவைக்கப்பட்டது, ரெலோ வின் நிலைப்பாடு மற்றும் எதிரணி இன்று திட்டமிட்டுள்ள போராட்டம் காரணமாக சந்திப்பு ஒத்திவைக்கப்பட்டது.
இந்த பேச்சுவார்த்தை எதிர்வரும் 25ஆம் திகதி வெள்ளிக்கிழமை நடைபெறும் என, ஜனாதிபதி செயலகத்தில் இருந்து அறிவுறுத்தப்பட்டுள்ளது.